मुल्खै च अजें तगर 6 करोड़ 50 लक्ख शा मते लोकें गी कोविड शा बचाऽ आह्ले टीके लाए जाई चुके दे न। सेहत ते परिवार कल्याण मंत्रालय नै दस्सेआ ऐ जे पिछले 24एं घंटे दौरान इक लक्ख 88 हजार कोला मते लोकें गी इस लागै सवां बचाव आला टीका लाया गेआ। इस दौरान देसै च कोरोना कसरिएं दे नरोए होने दी दर बी होर बेहतर होइयै 94 अशारिया 32 प्रतिशत तोड़ी पुज्जी गेई ऐ।
पिछले इक दिनै च कोरोना दे 32 हजार 231 कोला मते कसरी नरोए होए न। पिछले 24एं घंटे दौरान नमें सामने आले दे मामले दी गिनतरी 68 हजार 20 दर्ज कीती गेई ऐ। एदे कन्नै गे मुल्खै च कोरोना दे अजें तोड़ी दे कुल मामले इक करोड़ 20 लक्ख 39 हजार 644 कोला मते होई गे न। इक दिनै च 291एं जनें दी मौत दे बाद मुल्खै च इस लागै कारण अपनी जान मौहाने आले दी गिनतरी इक लक्ख 61 हजार 843 होई गेई ऐ।
