प्रधानमंत्री नरेन्द्र मोदी होरें आखेआ जे करसानें दी औंदन बधाने लेई कृषि जगत च आधुनिकता हून समें दी मंग ऐ

0
476

प्रधानमंत्री नरेन्द्र मोदी होरें अज्ज देशवासियें दे कन्नै मन की बात कार्यक्रम दे राएं अपने विचार सांझे कीते। उनें देशवासियें गी अपील कीती ऐ जे ओह् कोरोना वायरस कोला बचाऽ आह्ला टीका पक्का गै लगवान। अज्जै दे कार्यक्रम दी षुरुआत च उनें मन की बात दे 75में एपीसोड लेई श्रोताएं दा आभार जताया ते आखेआ जे श्रोताएं दे साथ दे बगैर एह् सफर मुमकिन गै नेईं हा। श्री मोदी होरें आखेआ जे एह् म्हीना आजादी दे 75 ब’रें दे ‘अमृत महोत्सव’ दे शुरु होने दा म्हीना बी ऐ। अमृत महोत्सव दांडी यात्रा दे दिन थमां शुरू होआ हा ते 15 अगस्त 2023 तगर चलोग। ‘अमृत महोत्सव’ कन्नै जुड़े दे कार्यक्रम पूरे मुल्ख च लगातार होआ करदे न, बक्ख-बक्ख थाह्रें थमां इनें कार्यक्रमें दिआं तस्वीरां, जानकारियाँ लोक सांझी करा करदे न। उनें लोकें गी अपील कीती ऐ जे ओह् कुसै सुतैंतरता सेनानी दी संघर्ष गाथा, कुसै थाह्रै दे इतिहास, मुल्ख दी कोई सांस्कृतिक क्हानी, ‘अमृत महोत्सव’ दे दरान मुल्ख दे सामने आह्न्न्न।

कोरोना वायरस खलाफ अग्गे होइयै लड़ाई लड़ा करदे कोरोना योद्धाएं गी बी श्री मोदी होरें अज्जै दे अपने कार्यक्रम च श्रद्धांजलि दित्ती। उनें आखेआ जे इंदी मेह्नत ते त्याग दी बदौलत गै अज्ज भारत कोरोना वारयरस खलाफ कामयाबी कन्नै लड़ाई लड़ा करदा ऐ। प्रधानमंत्री होरें भारत दिएं महिला खड्ढारनें मिताली राज ते पी.वी. सिंधु होरें’गी उंदी उपलब्धिएं लेई मुबारकबाद बी दित्ती। श्री मोदी होदें मुल्ख दे लाईट हाउस कम्पलैक्सें दे आले-दोआले सैलानी स्हूलतां विकसित करने दे बारै बी गल्ल कीती ही। प्रधानमंत्री होरें आखेआ जे भारत दे कृषि जगत च – आधुनिकता, हून समें दी मंग ऐ।

उनें आखेआ जे राई-बाई दे खेत्तर च रोजगार दे नमें मौके पैदा करने लेई, करसानें दी औंदन बधाने लेई, रिवायती कृषि दे कन्नै गै, नमें विकल्पें गी, नमिएं-नमिएं काह्डें गी, अपनाना बी, उन्ना गै जरूरी ऐ। मोदी होरें देशवासियें गी होली ते औने आह्ले होरनें ध्यारें गितै मुबारकबाद बी दित्ती।

LEAVE A REPLY

Please enter your comment!
Please enter your name here