অসমত কোৱিডৰ পৰা আৰোগ্যৰ হাৰ ৯০.৭০ শতাংশলৈ বৃদ্ধি পাইছে। ৰাজ্যখনত কালি ৪,৮৮১ জন কোৱিড ৰোগীক চিকিৎসালয়ৰ পৰা অব্যাহতি দিয়া হয়। ইয়াকে লৈ ৰাজ্যখনত বৰ্তমান সুস্থ হৈ উঠা লোকৰ সংখ্যা ৪ লাখ ২৬ হাজাৰ অতিক্ৰম কৰিছে। ইয়াৰ বিপৰীতে ৰাজ্যখনত যোৱা ২৪ ঘণ্টাত পৰীক্ষা কৰা ১ লাখ ৩০ হাজাৰ ৫৩ টা নমুনাৰ ভিতৰত ৩,৩৮৬ জনৰ দেহত কোৱিডৰ উপস্থিতি ধৰা পৰে। সেই অনুসাৰে ৰাজ্যখনত সংক্ৰমণৰ হাৰ ২.৬০ শতাংশ হৈছেগৈ। সংক্ৰমিতসকলৰ ভিতৰত ১৫৮ জন কামৰূপ মহানগৰ জিলাৰ। ৰাজ্যখনত সম্প্ৰতি ৩৮,৩০৬ জন লোকে এই ৰোগৰ ফলত প্ৰাণ হেৰুৱায়। কালিৰ দিনটোত ৩৬ জন লোকে এই ৰোগৰ ফলত প্ৰাণ হেৰুৱায়। ইয়াকে লৈ ৰাজ্যখনত এতিয়ালৈকে এই ৰোগত মৃত্যু হোৱা লোকৰ সংখ্যা ৪ হাজাৰ ৬৪ হৈছেগৈ।
