महत्वाच्या घडामोडी
प्रधानमंत्री भारतीय जनौषधी योजनेमुळे देशातल्या गरीब नागरिकांना औषधांवरच्या मोठ्या खर्चातून दिलासा मिळाला असल्याचं प्रधानमंत्री यांचं प्रतिपादन            देशात कोविड-१९ प्रतिबंधक लसीकरण झालेल्या लाभार्थ्यांची संख्या २ कोटीच्या वर            नाशिक इथं होणारं ९४ वं अखिल भारतीय मराठी साहित्य संमेलन स्थगित            मराठी रंगभूमी आणि चित्रपट सृष्टीतले जेष्ठ अभिनेते श्रीकांत मोघे यांचं निधन            राज्याचे मदत आणि पुनर्वसन मंत्री विजय वडेट्टीवार यांना कोरोना विषाणूची लागण           

Oct 13, 2019
9:26AM

भारत आणि चीन यांच्यामधला परस्पर व्यापार आणि गुंतवणूक वाढवण्यासाठी नवं तंत्र अंमलात आणण्याबाबत उभय देशांचा निर्णय

आकाशवाणी
भारत आणि चीननं परस्पर व्यापार आणि गुंतवणूकीत वाढ करण्यासाठी नविन तंत्र विकसित करायचं ठरवलं आहे. भारताचे अर्थमंत्री आणि चीनचे उप-प्रधानमंत्री यांच्यात हे तंत्र विकसित करण्याबाबत चर्चा झाल्याची माहिती भारताचे परराष्ट्र सचिव विजय गोखले यांनी दिली आहे. ते आज दुपारी दोन्ही देशांदरम्यान झालेल्या अनौपचारिक शिखर संमेलनानंतर वार्ताहर परिषदेत बोलत होते.

भारत-चीन संबंधांचा नवा अध्याय सुरु करण्याच्या दृष्टीनं प्रधानमंत्री नरेंद्र मोदी आणि चीनचे अध्यक्ष शी जिनपिंग यांच्यातल्या शिखर बैठकीचा आज समारोप झाला. तमिळनाडूत ममल्लपुरम इथं झालेल्या चर्चेच्या दुसऱ्या दिवशी आज उभय नेत्यांनी अनौपचारिक बातचीत केली. परराष्ट्र व्यवहारमंत्री एस. जयशंकर आणि राष्ट्रीय सुरक्षा सल्लागार अजित डोवाल यावेळी उपस्थित होते. 

भारत आणि चीन प्राचीन काळापासून जगातले आर्थिकदृष्ट्या प्रगत देश आहेत, असं प्रधानमंत्र्यांनी यावेळी सांगितलं. वुहान जाहीरनाम्याच्या पार्श्वभूमीवर उभय देशांमधे वाढत्या संवादाबद्दल प्रधानमंत्र्यांनी समाधान व्यक्त केलं. आजच्या चेन्नई व्हिजनच्या माध्यमातून चीनबरोबरच्या सहकार्याचं नवं युग सुरु झाल्याचं प्रधानमंत्री यावेळी म्हणाले.

प्रधानमंत्री नरेंद्र मोदी यांनी काल जिनपिंग यांना ममल्लपुरम इथल्या ऐतिहासिक वास्तूंची सफर घडवली. चीनबरोबर संबंध दृढ करणा-या पल्लव राजांच्या काळात या वास्तू उभारण्यात आल्या होत्या. स्थानिक कारागिरांच्या कौशल्यांची प्रात्यक्षिकं दोघांनी पाहिली. जिनपिंग यांचं चित्र विणलेली शाल तसंच प्रसिद्ध कांचीपुरम रेशमी वस्त्रं प्रधानमंत्र्यांनी पाहुण्यांना नजर केलं.

   संबंधित बातम्या

ट्विटरवरुन थेट

हवामान आता

As on-07 Mar 2021
City MaxoC MinoC
दिल्ली 31.5 14.4
मुंबई 32.8 19.8
चेन्नई 32.2 24.8
कोलकाता 36.2 20.8
बेंगलुरू 35.9 17.5