राज्यातल्या वाढत्या कोरोना रुग्णांच्या पार्श्वभूमीवर केंद्रिय पथकानं आज राज्याच्या विविध जिल्ह्यात पाहणी करुन आढावा घेतला.

यवतमाळ जिल्ह्यात शासकीय वैद्यकीय महाविद्यालयातील सुपर स्पेशालिटी हॉस्पीटल आणि शहरातील जय- विजय चौक येथील प्रतिबंधित क्षेत्राला या पथकानं भेट दिली. त्या बरोबरच त्यांनी पाटीपुरा लसीकरण केंद्र आणि वाघापूर रोडवरील कोव्हीड केअर सेंटरची पाहणी केली. या पथकात राष्ट्रीय आरोग्य आणि कुटुंब कल्याण संस्थेचे प्राध्यापक डॉ. जयंत दास आणि राम मनोहर लोहिया हॉस्पिटलचे सहाय्यक प्राध्यापक डॉ. देवांग भारती, वरिष्ठ संचालक डॉ. ए. जी. अलोन आणि मेडिसिन विभागाचे वरिष्ठ अधिकारी डॉ. पियुष जैन यांचा समावेश आहे. रुग्णवाढीची कारणे, कोणत्या परिसरातच रुग्ण वाढत आहेत, मृत्यूचे प्रमाण का वाढत आहे, त्याचा वयोगट कोणता या सर्व बाबींचा अभ्यास आणि पाहणी करण्यासाठी हे पथक सोलापुरात आलं असून ते इथे पाच दिवस थांबणार आहेत. 

धुळे जिल्ह्यातही केंद्रिय पथक दाखल झालं असून या पथकातील डॉ. आर.पी. सैनी यांनी धुळे शहरातील जिल्हा रुग्णालय, हिरे वैद्यकीय महाविद्यालयाला भेट देत पाहणी केली. तसेच प्रमुख शासकीय अधिकार्यांदसोबत चर्चा केली.

बीड जिल्ह्यातही केंद्रिय पथक दाखल झालं असून त्यानुसार दोन सदस्यीय पथक हे बीड जिल्ह्यात दाखल झाले. जिल्ह्यात येताच पथकाने जिल्हाधिकारी रविंद्र जगताप यांच्यासह आरोग्य विभागातील वरिष्ठ आधिकारी, जिल्ह्यातील कोरोना नियंत्रण आधिकारी यांच्या बरोबर बैठक घेतली.