कोविड परिस्थिती हाताळण्यात अपयशी ठरलेली काही राज्यं ही चुकीचा प्रचार करत असल्याचं केंद्रिय आरोग्य मंत्री डॉ. हर्षवर्धन यांनी म्हटलं आहे. काही राज्यांनी कोरोना स्थितीचा मुकाबला करतांना देशानं गेल्या वर्षभरापासून घेतलेल्या अनुभवांचा फायदा घेतलेला नाही असंही ते म्हणाले.

काही राज्यं ही १८ वर्षांपर्यंतच्या लोकांना लसीकरण करण्याची मागणी करत असून त्यामुळे लसीकरणाचा मुख्य उद्देश असलेल्या संवेदनशील वयातल्या लोकांचा मृत्युदर कमी करणं शक्य होणार नाही असंही त्यांनी सांगितलं.

महाराष्ट्रात केवळ ८६ टक्के आरोग्य कर्मचाऱ्यांचंही लसीकरण झालं असल्याचं ते म्हणाले. लसीचा पुरवठा कमी असल्याचा आरोप हा निराधार असून लसींच्या पुरवठ्यावर बारकाईने लक्ष ठेवलं जात असल्याचंही त्यांनी सांगितलं. 

महाराष्ट्र सरकाराच्या लाचार आणि आळशी वागणूकीमुळे संपूर्ण देशाच्या कोरोना लढ्यावर पाणी फिरलं आहे अशी टीकाही त्यांनी केली. राज्य सरकारनं पुरेस प्रयत्न केले नाहीत, असंही त्यांनी सांगितलं. महाराष्ट्र जगात मृत्युदरात आणि कोरोना संक्रमणात पहिल्या स्थानावर असल्याचं सांगत इतर राज्यांच्या सहकार्यासाठी काहीही करायला तयार असल्याचं आश्वासन त्यांनी दिलं.