भारतीय रिझर्व्ह् बँकेनं सेंट्रल बँक ऑफ श्रीलंकेशी ४०० दशलक्ष डॉलर्स चलन अदलाबदल सुविधेसंबंधीच्या करारावर स्वाक्षऱ्या केल्या आहेत. नोव्हेंबर २०२२ पर्यंत ही सुविधा उपलब्ध असणार आहे.

  भारत आणि श्रीलंकेदरम्यान आर्थिक सहकार्य वाढवण्यासंदर्भात गेला आठवडाभर झालेल्या चर्चेनंतर हा करार करण्यात आला आहे. सध्या सुरू असलेल्या कोविड-१९ च्या साथीच्या आरोग्य आणि आर्थिक क्षेत्रावरील संभाव्य परिणामांविषयी दोन्ही देशांच्या पंतप्रधानांनी मे मध्ये दूरध्वनीवरून चर्चा केली होती.

  त्यावेळी कोविडच्या संकटातून सावरण्यासाठी भारत श्रीलंकेला सर्वतोपरी सहकार्य करेल, असं आश्वासन पंतप्रधान नरेंद्र मोदी यांनी दिलं होतं.