महाराष्ट्रातल्या कोरोनाग्रस्त रुग्णांची संख्या 39 वर पोचल्याची माहिती आरोग्यमंत्री राजेश टोपे यांनी दिली.

यात पिंपरी चिंचवड महानगरपालिका क्षेत्रात नऊ, पुण्यात सात, मुंबईत सहा, नागपूरात चार, तर यवतमाळ, कल्याण आणि नवी मुंबईत प्रत्येकी तीन आणि रायगड, ठाणे, अहमदनगर तसंच औरंगाबाद इथं प्रत्येकी एक असे रुग्ण आढळ्ल्याची माहिती टोपे यांनी ट्विटरवरुन दिली.

राज्यात 108 जण विलगीकरण कक्षात दाखल असल्याचंही टोपे यांनी सांगितलं. ताडोबा व्याघ्र प्रकल्प, तसंच टिपेश्वर अभयारण्य बंद ठेवण्याचा निर्णयही वनविभागानं घेतला आहे. हेमल कसा इथला लोकबिरादरी प्रकल्पही पर्यटकांसाठी बंद ठेवण्यात आला आहे.

दरम्यान आंबेजोगाई इथलं योगेश्वरी देवीचं मंदिर आणि वैजनाथ मंदिर दर्शनासाठी बंद करण्यात आलं आहे.