महाराष्ट्रात कोरोना विषाणूचा संसर्ग झाल्याच्या संशयावरून दाखल केलेल्या २५८ जणांच्या वैद्यकीय तपासणीनंतर, त्यांना कोरोनाचा संसर्ग झालेला नसल्याचं स्पष्ट झालं आहे.

राज्याचे आरोग्य मंत्री राजेश टोपे यांनी काल ही माहिती दिली.खबरदारीचा उपाय म्हणून म्हणून आणखी पंधरा जण मुंबई आणि पुण्यातल्या रुग्णालयांत वैद्यकीय देखरेखीखाली असल्याचंही त्यांनी सांगितलं.

आत्तापर्यंत राज्यातल्या कोणालाही कोरोना विषाणूमुळे होणारा कोविड-१९ हा आजार झालेला नसल्याचंही त्यांनी स्पष्ट केलं.