देशामधल्या कोरोना विषाणू संसर्गाच्या पार्श्वभूमीवर, केंद्रीय आरोग्य मंत्रालयानं शाळांसाठी सल्ला देणारं निवेदन प्रसिद्ध केलं आहे. शाळेमध्ये खूप मोठ्या प्रमाणात विद्यार्थ्यांना एकत्र येऊ देऊ नये, असा सल्ला यामध्ये देण्यात आला आहे.

कोविड-१९ हा संसर्गजन्य आजार पसरलेल्या कुठल्याही देशामध्ये जाऊन आलेला विद्यार्थी किंवा कर्मचारी यांच्यावर लक्ष ठेवावे तसंच त्यांना १४ दिवस घरामधे वेगळे ठेवावे.

विद्यार्थ्यांमधे ताप, खोकला किंवा श्वास घ्यायला त्रास होणे अशाप्रकारची लक्षणं दिसली तर वर्गशिक्षकांनी ताबडतोब त्याच्या पालकांना हे कळवून विद्यार्थ्याला तपासणीसाठी पाठवावे, तसंच वैद्यकीय उपचार सुरु असताना मुलांना शाळेत पाठवू नये, असंही आरोग्य मंत्रालयानं पालकांना सांगितलं आहे.