महत्वाच्या घडामोडी
मुंबई विद्यापीठाच्या दूर मुक्त अध्ययन संस्थेच्या अंतिम वर्षाच्या तृतीय वर्ष बीए, बीकॉमच्या परीक्षा उद्यापासून सुरु            उपमुख्यमंत्री अजित पवार आणि रिझर्व्ह बँकेचे गव्हर्नर शक्तिकांत दास यांना कोरोनाची लागण            लष्करप्रमुख जनरल मनोज नरवणे यांच्या अध्यक्षतेखाली भारतीय लष्कराच्या कमांडर परिषदेला आजपासून सुरुवात.            राजस्थान रॉयल्स संघाची मुंबई इंडियन्स संघावर ८ गडी राखून मात            तेल आणि भुगर्भ वायू क्षेत्रातील कंपन्यांच्या मुख्य कार्यकारी अधिकाऱ्यांबरोबर पंतप्रधानांचा आज दूर दृश्यप्रणालीद्वारे संवाद.           

Mar 03, 2020
11:29AM

भारतात कोविड-१९ आजाराचे २ रुग्ण आढळले

आकाशवाणी
 
भारतात कोरोना विषाणूमुळे होणा-या कोविड-१९ या आजाराचे दोन रुग्ण आढळले आहेत.

त्यापैकी एक दिल्लीतला असून तो इटलीहून आला होता, तर दुसरा तेलंगणातला असून तो दुबईहून आला आहे.दोन्ही रुग्णांची प्रकृती स्थिर असून ते वैद्यकीय देखरेखीखाली आहेत. इराण, जपान, दक्षिण कोरिया, सिंगापूरसारख्या देशांचा प्रवास टाळावा असा सल्ला केंद्रीय आरोग्यमंत्री डॉ. हर्षवर्धन यांनी जनतेला दिला आहे. ते आज नवी दिल्ली इथं बातमीदारांशी बोलत होते.

लोकांनी घाबरुन जाऊ नये, तसंच कोणासही ताप, घशात खवखव आणि श्वसनाचा त्रास इत्यादी लक्षणं दिसली तर, जवळच्या वैद्यकीय सुविधा केंद्रात त्याची माहिती द्यावी, असं ते म्हणाले. कोविड-१९ मुळे उद्भवू शकणा-या कोणत्याही स्थितील तोंड देण्यासाठी सरकार सज्ज असून संबंधित मंत्री गट परिस्थितीवर सातत्यानं लक्ष ठेवून आहे, असं ते म्हणाले. दरम्यान, इराणमध्ये वास्तव्य करत असलेल्या कोणत्याही भारतीय नागरिकाला कोविड-१९ या आजाराची लागण झालेली नाही अशी माहिती, इराणमधल्या भारतीय दूतावासानं ट्विटरवरून दिली आहे.

इराणमधल्या भारतीय नागरिकांच्या संपर्कात असल्याचंही दूतावासानं ट्विटर संदेशात म्हटलं आहे. नागरिकांनी कोणत्याही अफवांना बळी न पडता, जारी केलेल्या आरोग्यविषयक मार्गदर्शक सूचनांचं पालन करावं, असं आवाहनही भारतीय दूतावासानं केलं आहे.

   संबंधित बातम्या

ट्विटरवरुन थेट

हवामान आता

As on-26 Oct 2020
City MaxoC MinoC
दिल्ली 34.0 14.0
मुंबई 33.0 27.0
चेन्नई 33.0 25.0
कोलकाता 32.0 25.0
बेंगलुरू 20.0 29.0