महत्वाच्या घडामोडी
दुपारी मुंबईपासून ३८० किलोमीटर अंतरावर असलेलं चक्रीवादळ येत्या ६ तासात गंभीर स्वरुप धारण करेल असा हवामान खात्याचा इशारा            चक्रीवादळाचा सामना करण्यासाठी यंत्रणा सज्ज            चक्रीवादळामुळे अनेक ठिकाणच्या नागरिकांना सुरक्षित स्थळी हलवलं            लॉकडाऊनचे निर्बंध शिथिल केल्यामुळं उद्यापासून नागरिकांना मोकळ्या मैदानात फिरायला जाण्याची परवानगी            देशातल्या कोरोनाग्रस्त रुग्णांची संख्या २ लाखांच्या उंबरठ्यावर           

Jan 29, 2020
3:21PM

नोवेल कोरोना विषाणूमुळे 106 जणांचा मृत्यू

आकाशवाणी

जगभरात नोवेल कोरोना विषाणूच्या प्रादुर्भावामुळे आतापर्यंत 106 जणांचा मृत्यू झाला असून, साडेचार हजार लोकांना त्याची बाधा झाली आहे.

लोकांनी घाबरुन जाऊ नये असं आवाहन WHO अर्थात, जागतिक आरोग्य संघटनेनं केलं आहे. या विषाणूचा प्रादुर्भाव रोखण्यासाठी चीनला आवश्यक ती सर्व मदत करण्याचं आश्वासन जागतिक आरोग्य संघटनेचे प्रमुख टेड्रोस अदनोम गॅब्रियस यांनी दिलं आहे.

भारतासह जगातले सर्व देश चीनच्या हुबेई प्रांतातून आपल्या नागरिकांना परत आणण्याचा प्रयत्न करत आहेत. मात्र तिथून परदेशी नागरिकांना बाहेर काढण्याची गरज वाटत नसल्याचं जागतिक आरोग्य संघटनेनं म्हटलं आहे.

हुबेई प्रांताची राजधानी असलेल्या वूहानमधे भारताचे अडीचशेपेक्षा जास्त नागरिक आहेत. त्यात बहुतांश संशोधक विद्यार्थी आणि आंतरराष्ट्रीय कंपन्यांमधे काम करणारे आहेत.

या आजाराचा सर्वाधिक धोका चीनच्या सर्वात जवळच्या शेजारी देशांना असल्याचं अर्थतज्ञांचं तसंच पर्यटन उद्योगाशी संबंधित लोकांचं म्हणणं आहे. व्हिएतनाम, सिंगापूर आणि फिलीपाईन्सलाही या विषाणूचा फटका बसण्याची भिती आहे. 

   संबंधित बातम्या

ट्विटरवरुन थेट

हवामान आता

As on-01 Jun 2020
City MaxoC MinoC
दिल्ली 39.0 21.0
मुंबई 36.0 28.0
चेन्नई 39.0 29.0
कोलकाता 32.0 25.5
बेंगलुरू 32.0 22.1