गडचिरोली जिल्हा नियोजन समितीच्या बैठकीत २०२०-२१ या वर्षाकरता १८ हजार ७०५ लाख रुपयांच्या आराखड्याला मंजुरी देण्यात आली. नगरविकास आणि सार्वजनिक बांधकाम मंत्री तसंच जिल्ह्याचे पालकमंत्री एकनाथ शिंदे यांच्या उपस्थितीत काल ही बैठक झाली.

जिल्ह्यासाठी मंजूर झालेला कोणताही निधी परत जाणार नाही याची काळजी सर्व विभागांनी घ्यावी, पदाधिकाऱ्यांना विश्वासात घेऊन विकासाची कामं मार्गी लावाव्यात, अशा सूचना त्यांनी विभाग प्रमुखांना यावेळी दिल्या.

वीज न पोहचलेल्या गावांमध्ये वीजपुरवठा करण्यासाठी योजना तयार करा, असे निर्देशही त्यांनी यावेळी दिले.