डिजिटल बँकीग व्यवहारांची सुरक्षा वाढवण्यासाठी डेबिट तसंच क्रेडीट कार्ड चालू आणि बंद करण्याची सुविधा स्वतः ग्राहकांनाचा द्यावी अशी सूचना भारतीय रिझर्व्ह बँकेनं सर्व व्यापारी बँका आणि कार्ड पुरवणा-या इतर कंपन्यांना दिली आहे.

यापुढे भौतिक किंवा आभासी, कोणत्याही स्वरुपातील कार्ड देताना. बँका आणि कार्ड पुरवणा-या इतर कंपन्यांनी सर्व कार्ड देशातल्या संपर्क आधारित वापर केंद्रांवर म्हणजेच एटीएम आणि पाँइट ऑफ सेलवर चालण्यासाठी सक्षम करावित आणि आपली कार्ड स्थानिक आणि आंतरराष्ट्रीय कार्ड विरहित व्यवहारांसाठी, आंतरराष्ट्रीय कार्ड सहित व्यवहारांसाठी तसंच संपर्क विरहित व्यवहारांसाठी सक्षम करण्याची सुविधाही ग्राहकांनाच द्यावी, असं रिझर्व्ह बँकेनं म्हटलं आहे. या व्यवस्थेत मोबाईल अॅवप्लीकेशन, इंटरनेट बँकीग, एटीएम किंवा आयव्ही आर एस यंत्रणेचा समावेश करावा, असंही बँकेनं म्हटलं आहे.