खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Aug 30, 2020
6:19PM

प्रधानमंत्री होरें भारत गी विश्व च खड्डौना उद्योग दा प्रमुख केन्द्र बनाने लेई स्टार्टअप कन्ने रलिये कम्म करने दा आग्रह कीता

AIR NEWS
मुल्ख च बने दे मुकामी खड्ढौनें दा जिक्र करदे होई प्रधानमंत्री होरें आखेआ जे बच्चें दे जीवन दे बक्ख-बक्ख पैह्लूएं पर खड्ढौनें दा जेह्ड़ा असर ऐ, इस पर राष्ट्रीय शिक्षा नीति च बी बड़ा ध्यान दित्ता गेआ ऐ। उनें गलाया जे दुनिया भरै च खड्ढौनें दा कुल संसारी उद्योग, 7 लक्ख करोड़ रपें कोला बी बद्ध दा ऐ पर, भारत दा हिस्सा ओह्दे च बड़ा घट्ट ऐ।

उनें आखेआ जे मुल्ख गी खड्ढौनें दे खेत्तर च अग्गे बधाने आस्तै मुल्ख गी मिलियै मेह्नत करनी होग। उनें आखेआ जे अज्ज, जिसलै अस मुल्ख गी आत्मनिर्भर बनाने दी कोशश करा करने आं, तां, असें, पूरे आत्मविश्वास दे कन्नै अगड़े बधना ऐ ते हर इक खेत्तर च मुल्ख गी आत्मनिर्भर बनाना ऐ।

आत्मनिर्भर भारत अभियान गी बल देने दी गल्ल करदे होई अज्जै दे मन की बात च प्रधानमंत्री होरें आखेआ जे भारत च गै नौजवानें पास्सेआ केईं ऐसे ऐप्स विकसित कीते जा’रदे न जिंदे काबिले-तारीफ न। मुकामी तौर उप्पर विकसित कीती गेदी ऐसी केईं सारी मोबाईल ऐप्स दा जिक्र करदे होई प्रधानमंत्री होरें देसै दे नौजवानें गी अपील कीती जे ओह् अग्गे औन ते स्टार्ट-अप दे रूपै च कम्म षुरु करन कीजे अज्जै दे लौह्के-लौह्के स्टार्ट-अप गै कल बड्डी-बड्डी कंपनिएं च तब्दील होङन ते दुनिया च भारत दी टकोह्दी पन्छान बनाङन। 

   सरबंधत खबरां

लाईव ट्विटर फीड

मौसम दा सूरतेहाल

As on-09 Apr 2021
City MaxoC MinoC
दिल्ली 36.0 18.0
मुंबई 34.0 24.0
चेन्नई 34.0 25.0
कोलकाता 35.0 26.0
बेंगलुरू 36.0 20.0