भारतीय रिझर्व्ह बँकेनं डी.एच.एफ.एल.च्या प्रशासकाला सल्ला देण्याच्या हेतूनं तीन सदस्यीय समिती स्थापन केली आहे.

कर्जबुडव्या प्रकरणांमध्ये ही समिती दिवाळखोरी कायद्यांतर्गत डी.एच.एफ.एल.च्या प्रशासकाची सहाय्यता करणार आहे, तसंच काही बाबतीत सल्लाही देणार आहे.

या समितीत आय.डी.एफ.सी फर्स्ट बँकेचे बिगर कार्यकारी अध्यक्ष राजीव लाल, आय.सी.आय.सी.आय प्रुड़ेन्शियल लाईफ इन्श्युरन्सचे व्यवस्थापकीय संचालक आणि मुख्य कार्यकारी अधिकारी एन. एस. कन्नन आणि म्युच्युअल फंड्स असोसिएशनचे मुख्य कार्यकारी अधिकारी एन.एस.व्यंकटेश यांचा समावेश आहे.

प्रशासनात होणारे घोटाळे, भांडवलाची कमतरता, कर्जबुडवी प्रकरणं अशा विविध  समस्यांचं निराकरण करण्यासाठी सरकारनं हे पाऊल उचललं आहे.