राफेल विमान खरेदी प्रकरणी गुन्हा दाखल करावा लागेल, म्हणूनच केंद्र सरकारनं जाणीवपूर्वक २०१८ मधे भ्रष्टाचार प्रतिबंधक कायद्यात दुरुस्ती केली, असा आरोप काँग्रेसचे नेते पृथ्वीराज चव्हाण यांनी केला आहे. ते आज मुंबईत वार्ताहर परिषदेत बोलत होते.

राफेल प्रकरणी सर्वोच्च न्यायालयाच्या निकालाचं संपूर्ण वाचन न करताच केंद्र सरकार क्लीनचिट मिळाल्याचा दावा करत आहे, असंही ते म्हणाले. लोकसेवकांकडून राफेल खरेदीमधे भ्रष्टाचार कसा झाला याची माहिती याचिकेत दिली होती. एफआयआर दाखल करणं गरजेचं असल्याचंही त्यात नमूद केलं होतं, असंही ते म्हणाले.