महत्वाच्या घडामोडी
विधानपरिषदेच्या पदवीधर आणि शिक्षण मतदार संघांच्या निवडणूकांची मतमोजणी सुरु            नव्या कृषी कायद्याच्या विरोधात दिल्लीत सुरु असलेल्या शेतकरी आंदोलनाच्या पार्श्वभूमीवर केंद्र सरकारची शेतकऱ्यांसोबत चर्चा            देशातली कोरोनाबाधितांची एकूण संख्या ९५ लाखांच्या वर            देशातल्या प्रमुख तपास संस्थांच्या कार्यालयासह पोलीस ठाण्यांमध्येही सीसीटीव्ही कॅमेरे लावण्याचे सर्वोच्च न्यायालायाचे आदेश            राज्य विधिमंडळाचं हिवाळी अधिवेशन नागपूरऐवजी मुंबई इथं घेतलं जाणार           

Mar 03, 2020
11:29AM

भारतात कोविड-१९ आजाराचे २ रुग्ण आढळले

आकाशवाणी
 
भारतात कोरोना विषाणूमुळे होणा-या कोविड-१९ या आजाराचे दोन रुग्ण आढळले आहेत.

त्यापैकी एक दिल्लीतला असून तो इटलीहून आला होता, तर दुसरा तेलंगणातला असून तो दुबईहून आला आहे.दोन्ही रुग्णांची प्रकृती स्थिर असून ते वैद्यकीय देखरेखीखाली आहेत. इराण, जपान, दक्षिण कोरिया, सिंगापूरसारख्या देशांचा प्रवास टाळावा असा सल्ला केंद्रीय आरोग्यमंत्री डॉ. हर्षवर्धन यांनी जनतेला दिला आहे. ते आज नवी दिल्ली इथं बातमीदारांशी बोलत होते.

लोकांनी घाबरुन जाऊ नये, तसंच कोणासही ताप, घशात खवखव आणि श्वसनाचा त्रास इत्यादी लक्षणं दिसली तर, जवळच्या वैद्यकीय सुविधा केंद्रात त्याची माहिती द्यावी, असं ते म्हणाले. कोविड-१९ मुळे उद्भवू शकणा-या कोणत्याही स्थितील तोंड देण्यासाठी सरकार सज्ज असून संबंधित मंत्री गट परिस्थितीवर सातत्यानं लक्ष ठेवून आहे, असं ते म्हणाले. दरम्यान, इराणमध्ये वास्तव्य करत असलेल्या कोणत्याही भारतीय नागरिकाला कोविड-१९ या आजाराची लागण झालेली नाही अशी माहिती, इराणमधल्या भारतीय दूतावासानं ट्विटरवरून दिली आहे.

इराणमधल्या भारतीय नागरिकांच्या संपर्कात असल्याचंही दूतावासानं ट्विटर संदेशात म्हटलं आहे. नागरिकांनी कोणत्याही अफवांना बळी न पडता, जारी केलेल्या आरोग्यविषयक मार्गदर्शक सूचनांचं पालन करावं, असं आवाहनही भारतीय दूतावासानं केलं आहे.

   संबंधित बातम्या

ट्विटरवरुन थेट

हवामान आता

As on-03 Dec 2020
City MaxoC MinoC
दिल्ली 26.7 8.2
मुंबई 35.0 23.0
चेन्नई 26.6 23.9
कोलकाता 29.0 16.0
बेंगलुरू 26.0 17.0