नोवेल कोरोना विषाणूबाधित दुसरा रुग्ण केरळात आढळला आहे. त्याला अलापूझा वैद्यकीय महाविद्यालयाच्या रुग्णालयात दाखल केलं असून विशेष देखरेखीखाली ठेवल्याचं आरोग्य मंत्रालयानं सांगितलं.

हा रुग्ण नुकताच चीनमधून भारतात परतला होता. आरोग्य राज्यमंत्री के. के. शैलजा यांनी कोल्लम इथं वार्ताहरांना सांगितलं की, रुग्णाची प्रकृती स्थिर असून त्याचा सविस्तर अहवाल झाल्यानंतरच विषाणू संसर्गाबाबत माहिती मिळेल.

केरळात सर्वत्र प्रतिबंधक पावलं उचलली असून लोकानां दक्ष रहायला सांगितल्याची माहिती आमच्या प्रतिनिधीनं दिली आहे. चीन तसंच इतर संसर्गजन्य भागातून परतलेल्यांनी नियंत्रण कक्षात जाऊन वैद्यकीय तपासणी करुन घेण्याची सूचना केरळ सरकारनं दिली आहे.