महत्वाच्या घडामोडी
कोरोना नियंत्रणासाठी केंद्र सरकार महाराष्ट्राला सर्वतोपरी मदत करणार, केंद्रीय मंत्री प्रकाश जावडेकर यांचं आश्वासन            राज्यात विविध ठिकाणी विकेंड लॉकडाऊनला चांगला प्रतिसाद            छत्रपती शिवाजी महाराज टर्मिनससह सहा स्थानकांवर प्लॅटफॉर्म तिकीट विक्री बंद            वाढत्या कोरोना संकटाच्या पार्श्वभूमीवर मुख्यमंत्र्यांच्या अध्यक्षतेखाली सर्वपक्षीय नेत्यांची बैठक सुरु            मुंबईत आज आणि उद्या खाजगी लसीकरण केंद्र वगळता सरकारी लसीकरण केंद्रांवर लसीकरण सुरुच राहणार           

Jan 27, 2020
10:14AM

कोरोना विषाणूंच्या पार्श्वभूमीवर चीन आणि हाँगकाँगमधल्या 30 प्रांतीय क्षेत्रात उच्चस्तरीय आपत्कालीन इशारा देण्यात आला आहे.

आकाशवाणी
चीनमधे कोरोना विषाणू संक्रमणामुळे आतापर्यंत ८० जणांचा मृत्यू झाला आहे, तर दोन हजार ७६१ लोक बाधित झाले आहेत. यापैकी ३२४ रुग्णांची प्रकृती चिंताजनक असल्याचं चीनच्या राष्ट्रीय आरोग्य आयोगानं म्हटलं आहे. याशिवाय वुहान शहरातल्या बहुतांश भागात पाच हजार ७९४ संशयीत रुग्ण आढळले आहेत. कोरोना विषाणूंच्या पार्श्वभूमीवर चीन आणि हाँगकाँगमधल्या ३० प्रांतीय क्षेत्रात उच्चस्तरीय आपत्कालीन इशारा देण्यात आला आहे.

या नवीन विषाणूंचं स्वरुप अद्याप माहित नसल्यामुळे याचं संक्रमण आणखी वाढण्याची शक्यता आहे. या विषाणूचा सामना करण्याच्या प्रयत्नांना गती दिली जाईल, असं आयोगानं म्हटलं आहे. चीननं न्यूमोनियाच्या उपचारासाठी तसंच वैद्यकीय उपकरणांच्या खरेदीकरणासाठी एक अब्ज ६१ कोटी अमेरिकन डॉलर्सच्या विशेष निधीची तरतूद केली आहे. 

दरम्यान, आतापर्यंत कुठल्याही भारतीय नागरिकाला या विषाणूची बाधा झाली नसल्याचं परराष्ट्र व्यवहार मंत्रालयानं स्पष्ट केलं आहे. परराष्ट्र व्यवहारमंत्री एस जयशंकर परिस्थितीवर बारीक लक्ष ठेवून आहेत, असं परराष्ट्र व्यवहार मंत्रालयाचे प्रवक्ते रविश कुमार यांनी म्हटलं आहे. 

   संबंधित बातम्या

ट्विटरवरुन थेट

हवामान आता

As on-09 Apr 2021
City MaxoC MinoC
दिल्ली 36.0 18.0
मुंबई 34.0 24.0
चेन्नई 34.0 25.0
कोलकाता 35.0 26.0
बेंगलुरू 36.0 20.0