સમાચાર ઊડતી નજરે
ઇઝ ઓફ લિવિંગ ઇન્ડેક્સ અને મ્યુનિસિપલ પર્ફોર્મન્સ ઇન્ડેક્સની યાદીમાં અમદાવાદ, ગાંધીનગર, સુરત, વડોદરા અને કેન્દ્રશાસિત સિલવાસાનો સમાવેશ.            કેન્દ્રીય કર્મચારી પ્રોવિડન્ટ ફંડ બોર્ડ દ્વારા નાણાંકીય વર્ષ 2020-21 માટે સાડા આઠ ટકા વ્યાજદરની ભલામણ કરવામાં આવી.            કેવડીયા ખાતે ભારતીય સૈન્યની ત્રણેય પાંખના વડા સહિત લશ્કરી અધિકારીઓની કોન્ફરન્સનું ઉદ્ઘાટન સંરક્ષણમંત્રી કરશે.            કેન્દ્ર સરકારે મગફળીની નિકાસ માટે પરવાનગી આપતા ખેડૂતોને સારા બજારભાવ મળ્યા છે.: નાયબ મુખ્યમંત્રી નિતિન પટેલ            કોરોના સંક્રમણમાં વધારો નોંધાઈ રહ્યો હોવાથી તપાસ માટે કેન્દ્રીય ટુકડી ગુજરાત આવી પહોંચી.           

Mar 16, 2020
2:21PM

અમેરિકાની ફેડરલ રિઝર્વે વ્યાજદર લગભગ શૂન્ય સુધી ઘટાડ્યા

AIR
અમેરિકાની ફેડરલ રિઝર્વે કોરોના વાયરસના કારણે અર્થતંત્ર ઉપર થઈ રહેલ ગંભીર અસરના પ્રતિભાવમાં મહત્વના વ્યાજદર લગભગ શૂન્ય સુધી ઘટાડ્યા છે. છેલ્લા બે સપ્તાહમાં વ્યાજદરમાં કરાયેલો આ બીજી વખતનો ઘટાડો છે. આ નિર્ણય સાથે ધિરાણ માટેના દર ઘટીને પોઈન્ટ 25 ટકા થયા છે.
વર્ષ 2008માં વૈશ્વિક આર્થિક કટોકટી દરમિયાન લગભગ આજ દરે વ્યાજદર લઈ જવાયા હતા. ફેડરલ રિઝર્વે અર્થતંત્ર ફરીથી પુર્વવત સ્થિતિમાં ન થાય ત્યાં સુધી ઓછા વ્યાજદર રાખવાનો નિર્ણય લીધો છે. રાષ્ટ્રપ્રમુખ ડોનાલ્ડ ટ્રમ્પે આ પગલાને આવકાર્યું છે.
આ નિર્ણય સાથે અમેરિકાની ફેડરલ રિઝર્વ સંસ્થા વૈશ્વિક અર્થતંત્રમાં પૂરતા પ્રમાણમાં રોકડની તરલતા ઉપલબ્ધ થાય અને આ વ્યવસ્થા ટકી રહે તે માટે બાંહેધરી આપનાર અન્ય કેન્દ્રીય બેંકો સાથે જોડાઈ છે.
ફેડરલ રિઝર્વએ યુરોપીયન સેન્ટ્રલ બેંક, બેંક ઓફ ઈંગ્લેન્ડ, બેંક ઓફ જાપાન, બેંક ઓફ કેનેડા અને સ્વિસ નેશનલ બેંકની સાથે સંકલન સાધીને આ કામગીરી કરી છે.

લાઈવ ટ્વીટર ફીડ