দিল্লীত বিগত ২৪ ঘণ্টাত ১৪৫ জন লোকৰ দেহত নতুনকৈ কোৱিড-১৯ৰ উপস্থিতি ধৰা পৰিছে। ইয়াকে লৈ ৰাষ্ট্ৰীয় ৰাজধানীখনত এতিয়ালৈকে এই ভাইৰাছৰ দ্বাৰা আক্ৰান্ত হোৱা লোকৰ সংখ্যা ৬ লাখ ৩৭ হাজাৰ ৯০০ লৈ বৃদ্ধি পাইছে। ইপিনে, যোৱা ২৪ ঘণ্টাত কোৱিড-১৯ৰ ফলত পুনৰ ২ জন লোকৰ মৃত্যু হোৱাত দিল্লীত এই ভাইৰাছৰ দ্বাৰা আক্ৰান্ত হৈ মৃত্যু হোৱা লোকৰ সংখ্যা ১০ হাজাৰ ৯০০ হৈছে। এই সময়ছোৱাত নতুনকৈ ৯৭ জন লোক আৰোগ্য হৈ উঠাৰ পাছত এতিয়ালৈকে কোৱিডৰ পৰা আৰোগ্য লাভ কৰা লোকৰ সংখ্যা ৬ লাখ ২৫ হাজাৰ ৯২৯ লৈ বৃদ্ধি পালে। বৰ্তমান দিল্লীত এই ভাইৰাছৰ দ্বাৰা আক্ৰান্ত হৈ ১,০৭১ জন লোক চিকিৎসাধীন হৈ আছে।