আহমেদাবাদত অনুষ্ঠিত চলিত টি-টুৱেণ্টী ক্ৰিকেট শৃংখলাৰ তৃতীয়খন খেলত ইংলেণ্ডে কালি ভাৰতক ৮ উইকেটত পৰাস্ত কৰে। ইয়াৰ লগে লগে আলহী দলটোৱে ৫ খন খেলৰ এই শৃংখলাত ২-১ ফলাফলেৰে অগ্ৰগতি লাভ কৰে। ভাৰতে বান্ধি দিয়া ১৫৭ ৰাণৰ লক্ষ্যৰে খেল আৰম্ভ কৰি ইংলেণ্ডে ১৮ অ’ভাৰ আৰু ২ টা বল খেলি ২ টা উইকেট হেৰুৱাই সহজে বিজয় লক্ষ্য অতিক্ৰম কৰে। ইংলেণ্ডৰ হৈ জচ বাটলাৰে সৰ্বাধিক ৮৩ ৰাণ সংগ্ৰহ কৰি আউট নোহোৱাকৈ থাকে। ইয়াৰ আগেয়ে ভাৰতে প্ৰথমে বেট ধৰি নিৰ্ধাৰিত ২০ অ’ভাৰত ৬ টা উইকেট হেৰুৱাই ১৫৬ ৰাণ কৰে। ভাৰতৰ হৈ অধিনায়ক বিৰাট কোহলিয়ে ৭৭ ৰাণ সংগ্ৰহ কৰে। ইংলেণ্ডৰ হৈ মাৰ্ক উডে ৩ টা উইকেট দখল কৰে।