কেন্দ্ৰই মহাৰাষ্ট্ৰ, পঞ্জাৱ আৰু দিল্লীত কোৱিড-১৯ৰ প্ৰতিষেধক প্ৰদান অভিযান ত্বৰান্বিত কৰাৰ বাবে প্ৰয়োজনীয় শুধৰণিমূলক ব্যৱস্থা গ্ৰহণ কৰিবলৈ নিৰ্দেশ দিছে। কেন্দ্ৰীয় স্বাস্থ্য মন্ত্ৰ্যালয়ৰ অতিৰিক্ত সচিব মনোহৰ অগ্নানিয়ে পঞ্জাৱ, দিল্লী আৰু মহাৰাষ্ট্ৰৰ স্বাস্থ্য আৰু পৰিয়াল কল্যাণ মন্ত্ৰ্যালয়ৰ প্ৰধান সচিবলৈ লিখা এখন পত্ৰত শ্ৰীঅগ্নানিয়ে কৈছে যে, ৰাজ্যখনলৈ এই প্ৰতিষেধকৰ ১ কোটি ৬ লাখৰো অধিক পালি যোগান ধৰা হৈছে আৰু ৯০ লাখ ৫৩ হাজাৰ পালি ইতিমধ্যে প্ৰদান কৰা হৈছে। তেওঁ কয় যে, কোৱিড-১৯ প্ৰতিষেধক প্ৰদান অভিযানৰ বিশদ বিশ্লেষণৰ জৰিয়তে এই কথা পোহৰলৈ আহিছে যে, কোৱিড-১৯ প্ৰতিষেধক গ্ৰহণৰ বাবে পঞ্জীয়নভুক্ত স্বাস্থ্যকৰ্মীসকলৰ ভিতৰত ৮৫.৯৫ শতাংশই এতিয়ালৈকে এই প্ৰতিষেধকৰ প্ৰথম পালি গ্ৰহণ কৰিছে। ইয়াৰ বিপৰীতে প্ৰায়, ৪১ শতাংশই পঞ্জীয়নভুক্ত স্বাস্থ্য কৰ্মীয়েহে দ্বিতীয় পালি প্ৰতিষেধক গ্ৰহণ কৰিছে। তেওঁ কয় যে, এই পৰিমাণ ৰাষ্ট্ৰীয় হাৰতকৈ তলত আছে আৰু সেয়েহে এই অভিযান অধিক উন্নত কৰাৰ প্ৰয়োজন আছে। ইপিনে পঞ্জাৱৰ প্ৰধান সচিবলৈ লিখা পত্ৰত শ্ৰীঅগ্নানিয়ে কয় যে, ৰাজ্যখনৰ বাবে ২২ লাখ ৩৬ হাজাৰৰো অধিক পালি যোগান ধৰা হৈছে আৰু ইয়াৰ ভিতৰত ১৪ লাখ ৯৪ হাজাৰ পালি প্ৰদান কৰা হৈছে। সেইদৰে, দিল্লীৰ উপলভ্য কৰোৱা ২৩ লাখ ৭০ হাজাৰৰো অধিক পালিৰ ভিতৰত প্ৰায় ১৮ লাখ ৭০ হাজাৰ পালিহে প্ৰদান কৰা হৈছে বুলি তেওঁ প্ৰকাশ কৰিছে।