পশ্চিমবংগ বিধানসভাৰ চতুৰ্থ পৰ্যায়ৰ নিৰ্বাচনৰ বাবে প্ৰচাৰ অভিযানৰ আজি সন্ধিয়া অন্ত পৰে। এই পৰ্যায়ত ৰাজ্যখনৰ দক্ষিণ ২৪ পৰগণা জিলাৰ ১১ খন, হুগলীৰ ১০ খন, আলিপুৰ দুৱাৰৰ ৫ খন আসনৰ বাবে ১০ এপ্ৰিলত ভোটগ্ৰহণ কৰা হ’ব।
        চতুৰ্থ পৰ্যায়ত মুঠ ৩৭৩ গৰাকী প্ৰাৰ্থীয়ে প্ৰতিদ্বন্দ্বিতা কৰিছে। বিভিন্ন ৰাজনৈতিক দলৰ নেতা আৰু তাৰকা প্ৰচাৰকসকলে আজি অন্তিম দিনটোত ব্যাপক প্ৰচাৰ অভিযান চলাইছে। এই পৰ্যায়ত হাওৰা আৰু হুগলী জিলাত তৃণমূল কংগ্ৰেছ এৰি অলপতে বিজেপিত যোগদান কৰা কমেও ৪ জন নেতাই প্ৰতিদ্বন্দ্বিতা কৰিছে। প্ৰাক্তন ফুটবল খেলুৱৈ বিদেশ ৰঞ্জন বসুৱে উলুবেৰীয়া পূৰ্ব সমষ্টিত তৃণমূল কংগ্ৰেছৰ প্ৰাৰ্থী হিচাপে প্ৰতিদ্বন্দ্বিতা কৰিছে।