ব্ৰিছবেনত অনুষ্ঠিত ভাৰত আৰু অষ্ট্ৰেলিয়াৰ মাজৰ চলিত ক্ৰিকেট শৃংখলাৰ চতুৰ্থ তথা অন্তিমখন টেষ্টৰ আজি দ্বিতীয় দিনৰ খেল বৰষুণৰ বাবে সাময়িকভাৱে স্থগিত ৰখা হৈছে। বৰষুণে বিধি-পথালি দিয়াৰ সময়ত ভাৰতে নিজৰ প্ৰথম ইনিংছত ২ উইকেটৰ বিনিময়ত ৬২ ৰান সংগ্ৰহ কৰি খেলি আছিল। সেই সময়তে অধিনায়ক ৰাহানে ২ ৰান আৰু পূজাৰাই ৮ ৰান কৰি খেলি আছিল। ইয়াৰ পূৰ্বে ৰোহিত শৰ্মাই ৪৪ আৰু শুভমন গিলে ৭ ৰান কৰি আউট হয়। অষ্ট্ৰেলিয়াৰ হৈ পেট কামিনছ্ আৰু লায়নে এটাকৈ উইকেট দখল কৰে। ইয়াৰ আগেয়ে ঘৰুৱা দল অষ্ট্ৰেলিয়াই নিজৰ প্ৰথম ইনিংছত আটাইকেইটা উইকেট হেৰুৱাই ৩৬৯ ৰান সংগ্ৰহ কৰে।